USA Presidential election 2012 kum in President Obama tawh a k idem ahi Willard Mitt Romney Tangthu tomcik in Zomi Nam Media panin kong khah khia uh hi.
Mitt Romney (Willard Mitt Romney) pen March12,1947 kum in Lenore leh George W. Romney te sung pan piang hi. Bloomfield Hills,Michigan ah khang khia a, 1966 kum in France ah Mormon sang mang kha (30)sung sem hi. Ann Davies tawh 1969 kum in ki teeng a ta 5 nei uh hi. 1971 kum in Brigham Young University pan in BA zo in 1975 kum in Harvard University pan MBA leh Juris Doctor ngah hi. 1977 kum in Bain & Company ah management lam consultation sem in CEO ciang dong ngah to hi. Tua company ah a sep sung in tua company ii sum leh paai dong tuah hak sak na pan hon khia zo hi.
1984 kum in Bain Capital sum met bawlna phuan khia uh a tua ( firms ) sum met bawl na pan sum met khang mah mah hi. Tua summet bawl na(firms) pen America gam sung ah a zai pen te lak ah khat in ki hel hi. Tua pan sum met $ 190-250 Millions kiim tawh a politics nasep mapang hi.
Jesus Christ of Latterday Saints pawl pi ah a lawp mah mah pawl mi khat hi a pawl pi lu tang zong sem pah hi. 1994 kum senate ki teel na ah Massachusetts state pan Replublican party i candidate hi a Ted Kenedy lel ahih man in Bain Capital ah a nasep zom kik hi. 2002 Winter Olympics a ding vai hawm na Salt Lake Organizing Committee ah President leh CEO ding in ki cial a hih man in tua pan politics nasep zop theih nang hun hoih ngah kik hi.
2002 kum in Massachusetts governor ding in ki teel aa tua hun sung in na sep man khang sak, tax piak loh nang a ki pawl na sep na te khak tan na te hang in Massachusetts state sung ah federal grants pan phat tuam na thak ban ah tax pan sum lut hong khang mah mah hi. Tua hun sung mah in ci dam na tawh ki sai insurance te puah pha hi. 2008 kum in Republican pan in presidential nomination ah John McCain tawh ki dem in lel hi. 2012 May kha in Republican party pan presidential nominee ding in teel cing a hih man in 2012 November kha Presidential election ah President Obama tawh a ki dem laitak uh a hi hi:
ZomiNam/Steven Sian
No comments:
Post a Comment